尚八日式燒肉店 (Closed)

旺角行完街，想食燒肉就搵下有邊間好食。行行下見到尚八日式燒肉，望埋個menu 係任食任飲燒肉。佢有分兩款燒肉任食，一款係日本和牛，一款係普通日本牛！我就簡左普通既日本牛試下。一坐低就有一盤刺身，每位客人都有！尚八呢度係網燒，掃QR code就可以自己係電話度落單，佢除左牛，仲有蔬菜類、熟食類、海鮮類簡。我地就點牛為主，海鮮都有點！任飲既款類都唔差，有細枝裝鴻福堂既菊蜜同檸檬茶。另外亦有韓國既乳酸飲料簡。食到最後每人都有韓國雪條或者雀巢細杯裝雪糕簡。