Hakata Concepts

今日嚟到屯門黃金海岸食日本野，呢間Hakata Concepts環境幾好，裝潢有格調，好舒適，外面又可以望到黃金海岸，幾chill下。-我食嘅係秋鐵板燒晚市限定，都有幾多野食，首先師傅上左道燒真蠔，配上旁邊嘅燒蒜，非常惹味，而蠔本身亦都多汁肥美，超好食。跟住嚟嘅係鮫魚，肉質口感較實，不過燒完之後非常香，同平時食刺身嘅好吾同，幾特別。-燒大虎蝦上到黎驚艷左我個一下，首先擺盤好精美，而且非常香，見到聞到就已經流晒口水，而且仲有好多膏，勁正。之後嘅燒銀鱈魚都好有驚喜，魚皮燒得勁酥脆，食落口卜卜聲，而且味道充滿焦香，另外魚肉口感依然嫩滑，真係外脆內嫩。-跟住落嚟上左一道鵝肝，分左兩種，分別配黑魚籽以及三文魚籽，先食黑魚籽鵝肝，鵝肝好有油脂感，再加上黑魚籽咸香味，好好食，之後再食三文魚籽鵝肝，三文魚籽嘅鮮甜味又將之前嘅黑魚籽味中和，勁享受。-再黎就係我期待己久嘅A5和牛，7成熟口感啱啱好，食落口好嫩滑，而且好有牛味，再配上明太子蔬菜，無論賣相定味道都一流。-鐵板炒飯都幾吾錯，飯炒得好干身，粒粒分別，不過如果調味重多少少會好啲。最尾嘅疏乎厘都幾好，口感幾鬆軟。