遙

Open Now

Now Closed

今日幫襯左一間位於土瓜灣嘅小店，食日本菜嘅，質素唔錯而且價錢平，值得推薦。我哋兩個人主打食壽司，叫咗帶子壽司、三文魚壽司同埋一個是日廚師推薦嘅吞拿魚壽司Set。三文魚壽司$26有兩件，件三文魚都算新鮮，而且唔會切得太薄，不過壽司飯就一般般。帶子壽司成為$40，帶子好新鮮，性價比高。吞拿魚壽司Set都幾抵， $148有三件唔同部位嘅吞拿魚壽司，然後再加6小件嘅吞拿魚小卷，d吞拿魚好新鮮。之後我哋追加咗一個大蝦野菜天婦羅，佢唔到$85竟然有4隻蝦，正常size 㗎，個天婦羅粉漿都幾薄。