鶴崎居酒屋 (Closed)

剛轉了在觀塘返工的老友，約左我係位於宏利中心1樓的#鶴崎居酒屋，佢說中午食晏覺得很不錯，想試吓晚餐😚。我哋6點多己到達，故係第一枱客人🫢。 環境裝修精緻，四圍都有燈籠🏮紙傘的佈置，充滿日式風，環境乾淨舒適，令人感覺如在日本居酒屋🏮中🥳。 看餐牌己被🥘雲糖壽喜鍋吸引，成舊雲置於火鍋上，原來是棉花糖，水滾後棉花糖便會溶於湯底內，湯底的甜度便會更加提升😗。配了鹿兒島和牛，和牛的油脂分佈均勻，雪花肉是粉紅色，輕輕滾滾佢便可以食用，肉汁飽滿肉質非常柔軟，真係好好味😋。鍋內蔬菜配料豐富，菜、菇類同粉絲索晒湯汁，大滿足感🥳。另外點了油甘魚壽司和帆立貝壽司，油甘魚鮮味，帆立貝好爽口，2者都同樣新鮮可口。