極尚大瀛喜日本料理 (Closed)

極尚大瀛喜 - 高質日本料理 今日介紹一間位於銅鑼灣嘅日本料理專門店，形式係任食嘅放題，唔同時段有唔同收費，可以任食兩個鐘，有唔同嘅日本料理、甚至有中式嘅料理提供。整體嚟講食物款式都多，無論係刺身、壽司嘅種類都多樣化，壽司有魚生壽司亦都有火炙過嘅壽司。熟食亦都囊括咗好多種類，有串燒、燒物、炸物同天婦羅，而且更加有中式嘅料理，例如豉汁蒸白鱔、紅燒乳鴿王。最後就係飲品同埋甜品方面，飲品非常多種類，而且有埋啤酒飲添，甜品就有雪糕、甜筒、雪條。