Video
Read full review
2021-11-17
631 views
近期食過最印象難忘嘅一餐，一定係灣仔呢間日式西餐廳Grill Tajimaya ，環境令人感覺好舒適，座位寬闊，坐低後店員好熱情地介紹餐牌，餐廳招牌食物，對所有食物非常熟悉，感覺好好。而且食物非常高質有誠意，真係回味無窮～▪️凱撒沙律配大蝦配料好足，煙肉粒、巴馬臣芝士、麵包粒都好多，芝士切成片，唔係碎上。沙律菜新鮮爽脆，大蝦好爽口彈牙▪️南瓜湯好濃郁，飲到啖啖南瓜蓉，好香甜▪️吞拿魚牛油果他他擺碟好精緻，吞拿魚同牛油果切成粒狀，兩者口感軟綿綿，味道調得剛好，上菜後經理會問加唔加黑椒，加左會更香更惹味！▪️招牌香郁和牛燴醬汁漢堡扒呢道招牌菜必點！漢堡扒係鐵板上，上菜時聽到炸炸聲已經好吸引，之後有侍應會來幫手打開錫紙，入面就係和牛漢堡扒同牛肋條，醬汁味道好香濃！塊和牛漢堡扒好juicy，係用黑毛和牛製成，侍應話係即叫即以人手搓製，好有誠意！雖然伴碟醬汁好濃，但都食到有牛味，加上係和牛，肉質會更腍身，口感相當唔錯！伴碟嘅配菜仲有焗薯仔、蕃茄同西蘭花，焗薯中間有片牛油，溶化後食落更香口▪️日本產黑毛和牛扒想食真啲和牛就緊係要點扒食啦，上枱時望見粉嫩嘅粉紅色已經好吸引，唔係誇張，真係入口即溶，肉質十分嫩滑
▪️凱撒沙律配大蝦
配料好足，煙肉粒、巴馬臣芝士、麵包粒都好多，芝士切成片，唔係碎上。沙律菜新鮮爽脆，大蝦好爽口彈牙
▪️南瓜湯
好濃郁，飲到啖啖南瓜蓉，好香甜
▪️吞拿魚牛油果他他
擺碟好精緻，吞拿魚同牛油果切成粒狀，兩者口感軟綿綿，味道調得剛好，上菜後經理會問加唔加黑椒，加左會更香更惹味！
▪️招牌香郁和牛燴醬汁漢堡扒
呢道招牌菜必點！漢堡扒係鐵板上，上菜時聽到炸炸聲已經好吸引，之後有侍應會來幫手打開錫紙，入面就係和牛漢堡扒同牛肋條，醬汁味道好香濃！塊和牛漢堡扒好juicy，係用黑毛和牛製成，侍應話係即叫即以人手搓製，好有誠意！雖然伴碟醬汁好濃，但都食到有牛味，加上係和牛，肉質會更腍身，口感相當唔錯！伴碟嘅配菜仲有焗薯仔、蕃茄同西蘭花，焗薯中間有片牛油，溶化後食落更香口
▪️日本產黑毛和牛扒
想食真啲和牛就緊係要點扒食啦，上枱時望見粉嫩嘅粉紅色已經好吸引，唔係誇張，真係入口即溶，肉質十分嫩滑，而且牛味超香濃，咬落油脂同牛味溶化一齊，成件事好幸福，唔需要醬汁都好好味！大滿足～伴碟仲有秋葵同雜菇，亦都好好味！
▪️雜莓乳酪芭菲
最後以甜品作結，叫左個芭菲，賣相色彩繽紛，頂層有忌廉同生果作點綴，中間夾雜住粟米片，底層乳酪，食落多層口感，酸酸甜甜咁，唔錯！
用餐期間店員都會關心一下食客對食物質素滿唔滿意，感覺好親切，愉快嘅一餐，非常推薦呢間日本洋食屋！
Post
