Video
Read full review
2020-02-08
629 views
呢間餐廳係日本有「高 CP 值壽司店」嘅美譽，從不同產地嚴選新鮮嘅時令食材，海產均由日本豐洲市場直送，又選用山形縣飯粒同瀨戶內紫菜。店內全部壽司即叫即做，大家可以坐係吧檯位近距離觀賞師傅細心地準備食材，顯現精細刀功同捏塑技巧。💗貝類盛合($248)拼盤包括有帶子、赤貝、北寄貝、海螺、赤貝裙邊、象拔蚌等共8款🦪由於係貝殻類海產，大部份都係爽口彈牙有嚼頭。帶子肥美又厚身，肉質爽甜唔腥。活北寄貝同活赤貝都係原隻上，前者爽口，後者海鮮味較重。而悲傷小姐認為最出色係赤貝、海螺同象拔蚌👍🏼💗鰻魚壽司($78)鰻魚足足有27cm長，壽司飯立刻變迷你。用咗濃郁嘅醬汁燒成，有甜醬油嘅風味，非常惹味可口。肉質軟綿帶少少炭燒香，完全無泥味，不過尾部位置就偏多軟身細骨🧐💗瀨尿蝦($20)呢款係最失色嘅一款，蝦肉好似白烚咁乜味都冇，鮮甜味係零，食落有d霉同埋有腥味，超級失色🤢💗鰈魚裙邊($25)半透明嘅魚肉食落甘甜，完全冇魚腥味，由於裙邊屬於活動量較多嘅部位，富有彈性。呢款肉質唔係以油脂做賣點，但都有魚油香，悲傷小姐最鐘意彈牙嘅口感🐟💗特級玉子壽司($35)玉子係厚切，份量巨型，玉子足足係壽司飯嘅4倍😱不過，味
💗貝類盛合($248)
拼盤包括有帶子、赤貝、北寄貝、海螺、赤貝裙邊、象拔蚌等共8款🦪由於係貝殻類海產，大部份都係爽口彈牙有嚼頭。帶子肥美又厚身，肉質爽甜唔腥。活北寄貝同活赤貝都係原隻上，前者爽口，後者海鮮味較重。而悲傷小姐認為最出色係赤貝、海螺同象拔蚌👍🏼
💗鰻魚壽司($78)
鰻魚足足有27cm長，壽司飯立刻變迷你。用咗濃郁嘅醬汁燒成，有甜醬油嘅風味，非常惹味可口。肉質軟綿帶少少炭燒香，完全無泥味，不過尾部位置就偏多軟身細骨🧐
💗瀨尿蝦($20)呢款係最失色嘅一款，蝦肉好似白烚咁乜味都冇，鮮甜味係零，食落有d霉同埋有腥味，超級失色🤢
💗鰈魚裙邊($25)
半透明嘅魚肉食落甘甜，完全冇魚腥味，由於裙邊屬於活動量較多嘅部位，富有彈性。呢款肉質唔係以油脂做賣點，但都有魚油香，悲傷小姐最鐘意彈牙嘅口感🐟
💗特級玉子壽司($35)
玉子係厚切，份量巨型，玉子足足係壽司飯嘅4倍😱不過，味道麻麻，口感唔算綿密但都冇鞋同實心。食落甜甜地但冇咩蛋味🥚最唔好嘅係溫度凍，係一早整好係雪櫃攞出嚟，我比較鐘意食熱辣辣
💗活章魚吸盤($12)
吸盤爽脆夠哂有咬口，最特別係調味用咗柚子醋，食落酸酸地好清新🦑
💗三文魚籽($38)
三文魚子粒粒飽滿，爽脆口感一流，食落咸香帶鮮味，魚油都夠充足😋但份量未至於多到漏，而且欠缺鮮甜味。
💗三文魚三貫($55)
拼盤包括三文魚醬油漬、火炙三文魚同三文魚🐠三文魚非常鮮味，好有油香，滑身接近入口即溶。火炙三文魚帶d炭燒香，輕輕一灸做出暖暖既半生熟
💗 大蝦三貫($78)
拼盤包括大赤蝦、牡丹蝦同火炙蝦芝士🦐牡丹蝦非常大隻，味道鮮甜，擠出嚟仲有蝦膏添呀！而大赤海蝦就非常厚肉新鮮，全部都爽口彈牙。而火炙蝦芝士就增添份炭燒味。芝士味非常濃，但就好微蓋過蝦嘅甜味🧀
💗 蟹三貫($98)
拼盤包括生松葉蟹、熟松葉蟹同蟹肉蟹膏🦀其中蟹肉蟹膏最為出色，大大啖蟹膏用料十足，絕對回本！ 完全無腥味，口感綿綿，一放入口甘香嘅味道就滲透整個口腔🤤生蟹腳食落口感似啫喱，頭一啖都幾鮮甜，不過最後有d腥
Post
