佐賀燒肉谷 (創紀之城五期(apm))

Open Now

Now Closed

8月新開張嘅佐賀燒肉谷100分鐘燒肉放題，日系裝修，感覺好柔告舒適，而且環境比較闊落唔會好迫，非常多卡位之餘二人卡位真係好闊好夠位擺野，而且佐賀燒肉谷十分貼心，有埋圍裙俾你用，唔怕整污糟件衫。開張果陣一個星期左右已經食左一次，今次再同朋友一齊黎食多次😋。今次我地揀左LEVEL 3，手機掃QR CODE落單非常方便，一埋位你未落單，店舖職員都已經會比個頭盤你，不嬲勁食嘅我真係覺得一分鐘都冇浪費🤣🤣，頭盤一黎已經有多款肉品，青口﹑帶子﹑牛肋肉﹑牛舌牛頸脊等，當然唔少得佢地的招牌：煙燻壺漬封門柳。因為條封門柳真係好長，職員仲好細心咁教我地要U字型咁擺封門柳上去燒，燒完再剪，真係好細心。原隻魷魚🦑真係好少有，當然佢去左條骨啦，原隻魷魚🦑咁燒真係第一次，十分開心，燒緊果陣條魷魚脹卜卜，望落去十分飽滿🤣🤣，當然唔少得海老啦🦐🦐🦐🦐，海老都算幾大隻，都ok爽口，無梅味，不過無我第一次黎食果陣咁爽口，但質素都仲係算係高質的唷！由於餐廳都仲算新，環境都好乾淨，抽氣都做得幾好，至少食完都唔會覺得自己個身好大陣味，而且職員服務都好好，佢地見你個燒網黑晒，都會主動話幫你換網。會再encore唷！