屯門牛 (Closed)

位於屯門嘅良心小店，今次初訪嗌左唔同item都幾高質 8安士美國Prime牛肉漢堡見到塊牛肉就心心眼，大塊得黎唔怕會太乾，medium rare保持到肉既油香！生菜芝士蕃茄基本配搭，老公另加炒洋蔥口感更加豐富，但最驚喜嘅係招牌特製醬，同全部配料都好夾又唔會蓋左肉味，好食飛驒和牛漢堡呢個漢堡嘅patty明顯細塊d，但話到明係和牛，咬落去超級多肉汁，雖然腍身但肉味好夠！呢一款default左用蜜糖芥末醬，雖然可以免費轉醬汁但唔建議，因為已經好夾好好味漢堡跟餐小食揀左芝士波同洋蔥圈，份量多亦炸得好香，但最滿意另叫既炸芝士磨菇雞翼($78/5pcs)，中翼入面釀左芝士蘑菇雞肉，每一啖都好香口，我食左4隻😂成餐我地唯一挑剔既係我地鍾意個包脆口d，不過整體質素都好高~熟屯門路既話唔會太難搵，不妨去支持下高質黃店！