南駅 (Closed)

獨自去叫雞。飯食🐔🍚成日見到東大街呢間野排晒長龍，都冇乜機會去試吓！今日lunch就試吓你個海南雞飯啦🐔🐔 擺盤十分精緻！用一個透明嘅玻璃碟整齊咁排好！佢連雞都有兩款俾你揀，清遠雞同龍崗雞👍🏼 10分講究👏🏼開始食啦喂！衰鬼又幾鬼嫩滑喎，連雞胸肉都滑😍相信佢係用浸煮嘅方式！雞尾亦10分充足，相信唔係雪藏雞😝雞皮都十分彈牙😋隔離枱果對男女食海南雞竟然唔食皮，就好似食夾餅乜醬都唔落!😅侮辱左舊海南雞🤣油飯亦調校得不錯，唔會剩係得個色而無味！10分有油香但又不會太油膩👍🏼👍🏼跟餐仲會送一個雪耳蔬菜湯，都幾清新🌽🥕🥒總括而言，七十蚊食到一個咁高質素嘅海南雞飯，我一定會返轉頭😎😎😏