Video
Read full review
2023-09-21
81 views
火鍋店位於近廟街附近嘅樓上鋪，旺中帶靜，聚會相當就腳。湯底同火鍋料選擇都幾多，有套餐亦有散叫，總有野啱食㗎。首先可因個人口味，調較自己喜歡嘅醬汁，例如芝麻，麻油，蒜蓉等，選擇都不少。湯底揀左尚鮮龍皇海鮮鍋。有龍蝦，蟶子，鮮蝦等熬煮而成，非常足料。湯一上枱，侍應好細心，先為我地分2碗湯，要我地嚐湯，再為我地將湯料分出黎。海鮮湯果然濃郁，鮮甜，而且唔會覺得油膩。龍蝦啖啖肉，爽口彈牙，非常新鮮。蟶子好比手掌咁大隻，夠爽甜。湯底濃郁而不膩，不知不覺都飲多幾碗先開始打邊爐。開始打邊爐啦啦隊!!揀左幾款火鍋配料：台灣鴨血，有彈性，口感不柴且無異味封門柳，紋路清楚，牛味濃郁，一入口就有牛嘅油脂香味，正木耳鮮蝦肉雲吞，雲吞脹卜卜，皮薄，內餡有紮實嘅蝦肉同木耳，蝦肉彈牙，木耳增加口感，出色。西洋菜，非常脆綠響鈴，啱啱新鮮炸起，熱辣辣，卜卜脆。一夾起已聽到滋滋聲，再放入火鍋湯，不得了，響鈴吸哂湯嘅精華，入味又酥脆，係打邊爐必食之選。三色刀削麵：有原味同菜味，睇個樣以為細細個麵餅，但其實份量唔少，有彈牙的口感和獨特的拉麵風味，吸收海鮮湯底的味道，豐富口感。火鍋湯底至配料都夠新鮮，服務細心殷勤，有機會要再試過
湯底同火鍋料選擇都幾多，有套餐亦有散叫，總有野啱食㗎。
首先可因個人口味，調較自己喜歡嘅醬汁，例如芝麻，麻油，蒜蓉等，選擇都不少。
湯底揀左尚鮮龍皇海鮮鍋。有龍蝦，蟶子，鮮蝦等熬煮而成，非常足料。湯一上枱，侍應好細心，先為我地分2碗湯，要我地嚐湯，再為我地將湯料分出黎。海鮮湯果然濃郁，鮮甜，而且唔會覺得油膩。龍蝦啖啖肉，爽口彈牙，非常新鮮。蟶子好比手掌咁大隻，夠爽甜。湯底濃郁而不膩，不知不覺都飲多幾碗先開始打邊爐。
開始打邊爐啦啦隊!!揀左幾款火鍋配料：台灣鴨血，有彈性，口感不柴且無異味
封門柳，紋路清楚，牛味濃郁，一入口就有牛嘅油脂香味，正
木耳鮮蝦肉雲吞，雲吞脹卜卜，皮薄，內餡有紮實嘅蝦肉同木耳，蝦肉彈牙，木耳增加口感，出色。
西洋菜，非常脆綠
響鈴，啱啱新鮮炸起，熱辣辣，卜卜脆。一夾起已聽到滋滋聲，再放入火鍋湯，不得了，響鈴吸哂湯嘅精華，入味又酥脆，係打邊爐必食之選。
三色刀削麵：有原味同菜味，睇個樣以為細細個麵餅，但其實份量唔少，有彈牙的口感和獨特的拉麵風味，吸收海鮮湯底的味道，豐富口感。
火鍋湯底至配料都夠新鮮，服務細心殷勤，有機會要再試過呀。
Post
