Video
Read full review
2019-04-03
68 views
今日天氣有少少涼意，就會想食火鍋，咁啱經過天悅廣場見到呢間任食海鮮火鍋，諗都唔使諗就入去試吓啦我地叫咗個忘不了海鮮火鍋套餐，雖然話係套餐，但有好火鍋配料都係任食。首先我地叫咗淮生豬骨螺頭湯，個湯底都好足料，有好多豬骨同螺頭，飲落個湯好鮮甜，冇味精，似媽媽煲嘅湯，好正好期待嘅海鮮出場啦有龍蝦，鮑魚，蝦，聖子同貝殼類都有3種。龍蝦都幾大隻有好多膏，放入個鍋煮一煮，d肉吸收埋個湯底，真係好鮮甜，好新鮮。鮑魚上枱果時仲識郁，新鮮程度可想而知，將佢煮幾分鐘，食落一d都唔韌，好鮮甜好彈牙。聖子都有成隻手板咁長，係聖子皇，煮幾分鐘已經可以食，勁爽口，一d沙都冇。其他貝殼類都唔差架，d肉都好飽滿，食落有海水味，完全冇沙，勁鮮味我地一行4人，所以有剌身拼盤送，有三文魚，象拔蚌同北寄貝，d剌身都好新鮮，完全冇腥味，三文魚都幾肥美，唔錯。套餐除咗有海鮮之外，仲有可以選擇特式自制手打丸，餃類同頂級安格斯牛頸脊。瑤柱韭菜餃-好大隻，入面瑤柱都幾多，韭菜都新鮮蟹肉黑松露餃-係佢自家制，出面食唔到，黑松露味道相當特出，蟹肉充滿成隻餃，味道好夾蟹子蝦丸-佢嘅蟹子都唔少成粒蝦丸都有，蝦丸爽口瑞士芝士牛丸-原來芝士配牛丸
我地叫咗個忘不了海鮮火鍋套餐，雖然話係套餐，但有好火鍋配料都係任食。
首先我地叫咗淮生豬骨螺頭湯，個湯底都好足料，有好多豬骨同螺頭，飲落個湯好鮮甜，冇味精，似媽媽煲嘅湯，好正
好期待嘅海鮮出場啦有龍蝦，鮑魚，蝦，聖子同貝殼類都有3種。
龍蝦都幾大隻有好多膏，放入個鍋煮一煮，d肉吸收埋個湯底，真係好鮮甜，好新鮮。
鮑魚上枱果時仲識郁，新鮮程度可想而知，將佢煮幾分鐘，食落一d都唔韌，好鮮甜好彈牙。
聖子都有成隻手板咁長，係聖子皇，煮幾分鐘已經可以食，勁爽口，一d沙都冇。
其他貝殼類都唔差架，d肉都好飽滿，食落有海水味，完全冇沙，勁鮮味
我地一行4人，所以有剌身拼盤送，有三文魚，象拔蚌同北寄貝，d剌身都好新鮮，完全冇腥味，三文魚都幾肥美，唔錯。
套餐除咗有海鮮之外，仲有可以選擇特式自制手打丸，餃類同頂級安格斯牛頸脊。
瑤柱韭菜餃-好大隻，入面瑤柱都幾多，韭菜都新鮮
蟹肉黑松露餃-係佢自家制，出面食唔到，黑松露味道相當特出，蟹肉充滿成隻餃，味道好夾
蟹子蝦丸-佢嘅蟹子都唔少成粒蝦丸都有，蝦丸爽口
瑞士芝士牛丸-原來芝士配牛丸係好match，咬開一半，可以見到有原粒芝士喺入面，好好食。
法國鵝肝墨魚丸-入面有原粒鵝肝，加埋墨魚丸嘅爽口，食落好juice.
頂級安格斯牛頸脊-脂肪比例啱啱好，好重牛味，食落好juice,一d都唔鞋，好淋入口即溶。
仲有即炸嚮同油炸鬼，油炸鬼好有驚喜，入面原來有蝦膠喺入面，仲有沙律醬配埋，好鬆脆好好食。
除咗套餐指定食物之外，仲有好多火鍋配料係任叫任食，我食晒套餐嘅食物之後已經好飽，其他任叫任食嘅火鍋配料都冇叫。
呢度有庶水同豆漿係任飲，都係自制，我覺得飲呢d總比飲汽水好。
整體呢間火鍋店樣樣野都好用心，質素好高，會再encore
Post
