月．火鳳燒鳥 (Closed)

夜晚突然想同朋友搵間居酒屋飲清酒傾下偈，可能時間太夜，選擇都唔係好多。見呢間LASTORDER做到12:45, 兩點先收鋪，所以就揀左佢。坐低之後就覺得我地果然無揀錯到，首先呢度好多唔同款既清酒可以選擇，同店員傾完想飲咩味道既清酒，佢地又有推介俾我地。傾完一輪之後，佢地推介左一款甜度屬於中等既清酒，味道好適合我地。同時，佢地亦都推介試一下冷盤牛舌，第一次食凍牛舌，味道相當特別，而且仲好重牛味。之後我地仲食左幾款燒雞肉串，全部都即叫即燒，味道好夾清酒。