Running 燒 (Closed)

好耐冇食過放題，今日同朋友去將軍澳popcorn商場食韓燒放題，其實之前去過旺角食呢間Running燒覺得唔錯，所以試下將軍澳呢間。Popcorn商場去到popfood上二樓，店員安排左我地坐卡位，卡位坐位枱面都好寬闊，坐低scan左QR code order先。肉有牛、雞、豬、羊，我最鍾意烤肥牛同雪花牛仔肉，大大塊、啖啖肉，肉質仲好鮮嫩。豬頸肉都好正，燒到油脂融化，肉質又香又脆！海鮮都好新鮮，種類都唔少，有生蠔、扇貝、帶子、蝦、魷魚等等，芝士生蠔好好食，不過我地唔係好識分熟唔熟，燒耐左，但味道都仲好鮮甜，加d蒜蓉好惹味！帶子同扇貝都大大粒，好鮮美，好有磯燒元貝feel!除左燒肉、海鮮，仲有唔同熟食可以點，點左兩件柚子味炸雞，都幾好食。其他熟食仲有烏冬麵、冷麵、餃子、溫泉蛋飯等等。有自助區可以自己攞d蔬菜配料，有好多種蔬菜，攞左d燒汁、醬油同蒜蓉，燒肉加蒜蓉好正！有各款甜品、雪糕、飲品，仲有湯，攞左碗養生雞湯飲，幾滋潤清甜。食埋杯芒果布甸真係好飽滿足！