街頭火鍋

Open Now

Now Closed

最近天寒地凍，最好一定係去打個邊爐，三年疫情，食開好嘅火鍋店唔係執咗就係經營困難被逼質素下降。難得响銅鑼灣搵到間新嘅火鍋店，有機會即刻嚟試吓。餐廳地點金利文廣場，銅鑼灣C出口，就腳。餐廳叫街頭火鍋，但裝修環境企理，乾淨衛生。餐廳侍應招呼親切，會為你詳細介紹食物。是晚叫咗蕃茄薯仔併沙嗲湯底，蕃茄薯仔湯底好濃郁，但估都估唔到佢個沙嗲湯底好味到可以同九龍城某間火鍋店比較。打邊爐一般會注重牛肉，但呢間餐廳豬肉都可以俾到好多有質素嘅嘢你選擇，唔食牛但又鍾意打邊爐嘅朋友，呢度係一個好適合你嘅選擇。餐廳除咗牛同豬出色，竟然仲有新鮮雞腸同台山蠔，強烈建議大家一定要嚟試吓。