海街丼 (E-Max) (Closed)

最近放工想快快食個dinner但又唔想求其食，就去左附近Emax既【海街丼】。餐廳裝修好日式居酒屋，幾好feel。我就叫左醬汁吞拿魚丼、涼拌菠菜同唐揚炸鷄。 醬汁吞拿魚丼：包括醬汁吞拿魚、吞拿魚蓉同三文魚籽，另外會附上高湯、醋啫喱、藥味佐料。魚生分量算好多，醬汁吞拿魚調味唔會太濃、醬汁好特別。吞拿魚蓉軟軟糯糯、好鮮味，而三文魚籽鹹鹹香香。食到差不多可以加高湯做茶漬飯，加入藥味佐料，又可以食出例外一個味道。醋啫喱要配埋魚類，如果加入茶漬飯會太酸。 涼拌菠菜：個人覺得遜色少少，菠菜比較老，調味唔算好特別。 唐揚炸鷄：超級無敵推！！新鮮炸起，非常熱辣辣、外脆内嫩，好juicy、鷄肉好嫩！本身鷄肉調味岩岩好，而且有柚子味！好特別！