Aldou Cafe (Changed Hand) New Restaurant

今日因為係放假日所以諗住入元朗掃嘢食，有個地膽朋友之前食過一間cafe係好推介，環境好靚又夠舒服 食物又有水準，所以今日我入到嚟佢都帶咗我去食。白酒忌廉煮青口 忌廉汁有微微酒香，食落好creamy唔會好流，青口肉好鮮甜唔霉爛，同忌廉汁好夾。巴馬火腿牛肝菌意粉 意粉煮得岩岩好有咬口 唔會淋曬，醬汁帶有牛肝菌獨特既味道，配搭巴馬火腿既咸香，食落又香又濃郁。豬肋骨芝士醬 薯條炸得好香脆，外脆內充滿綿密既薯蓉，豬肋骨肉軟嫩應該有加上BBQ醬(?)，食落帶甜味 加上拉絲既芝士，一流呀。