Running 燒 (Closed)

韓國迷的女兒因疫情關係，不能去韓國旅行，很掛念韓國的燒肉，好在香港都有唔少韓燒食店，今晚就話要同我去旺角Running 燒食韓燒放題，佢話呢間好好食，特別是海鮮不但新鮮，而且都係任食，非一般只係一次性。餐廳位於樓上舖，抽氣都做得唔錯，不會煙霧離漫。入座後立刻送上前菜，侍應提醒蘿蔔不是吃的，而是等烤盆有燶咗，就用蘿蔔抹下。多款汽水任飲，啤酒就要另計。亦有多款醬汁，客人可以到自取區自取。食物就要剔紙落單有海鮮、雞、羊、牛、豬、香腸、蔬菜、麵、飯、湯和小食。點菜後首先上咗一大盆海鮮，每樣都好新鮮，切得整整齊齊，洗得乾乾淨淨。另一盆係肉類，分隔放，亦都好新鮮。立刻開爐燒嘢食，雞翼已經開邊，方便燒烤快熟，豬梅肉薄切，燒幾下就可以，肉質鮮嫩。多春魚好香口，調味雞肉入味，豬大腸唔會韌。大蝦大隻，鮮味彈牙。生蠔即叫即開，新鮮冇腥味。龍脷魚肉質細嫩，帶子鮮，魷魚圈和芝士腸彈牙。我特別喜歡蒜蓉芝士生蠔夠大隻，燒熟後芝士還可以拉絲，有蒜香味，芝士也十分惹味！小食柚子味炸雞和韓式炸餃子，即叫即做，炸雞皮脆肉嫩，配抽子汁，甜中帶酸好好味。炸餃子好大隻，外層香脆，香噴噴的韮菜餡料飽滿。最後還有每人一份的甜品，我選