養心殿台式養生鍋 (Closed)

兩口子難得唔使開OT，又遇啱秋風起涼涼地，心思思都係去烚吓烚吓打個邊爐，一於擺架『養心殿台式養生鍋』，慢慢嘆個火鍋溫暖一下身心，為迎接秋冬火鍋季節來臨，一於搵呢間出名好味嘅火鍋店先來一個熱身先😋養心殿台式火鍋位於將軍澳九龍東智選假日酒店2樓店，交通非常方便，餐廳嘅裝修很有特色，可以比我延續『延禧攻略』feel😜識食就一定係叫鴛鴦湯底，我叫咗個酸菜白肉拼麻辣鍋（小辣）。小辣的麻辣湯底已經好夠味，湯頭嘅多種藥材香料，食起來味道10分豐富，湯入面的鴨血和凍豆腐10分有驚喜，鴨血好鮮滑，而凍豆腐就吸收晒湯底的精華非常入味😋而酸菜白肉湯底驟雨大白菜同埋豬花腩炮製而成，有少許酸菜味道而且又帶點甜美，呢種酸甜味道食起來特別醒胃，湯底入面仲有寛粉條，既能飽肚，口感仲好QQ。食火鍋叫牛肉是常識吧！呢碟手切牛肉真係無得輸，牛味濃兼肉質嫩滑，油脂分布均琿，真係越食越想食😋對一個選擇性困難嘅人來講，手工丸類拼盤就真係一個最佳嘅選擇。可以一次過試晒鵝肝墨魚丸、黑松露蝦丸、芝士牛肉丸、墨魚丸、蝦丸、同埋梅菜豬肉丸，呢六種唔同嘅口味。其實呢六款手工肉丸款款都各具特色，都分量十足，記鮮味又彈牙，真係難分勝負，如果一定