Nathanhouse (Closed)

喺奧海城發現呢一間好有法式浪漫氣氛嘅餐廳🍴除咗有室內嘅位置仲有室外嘅位置，不過唔一定係情侶💑先至過嚟食，餐廳嘅座位除咗有雙人位之外，仲有多人位置，好啱除咗情侶或者三五知己親朋戚友一齊去食，除咗環境之外，食物質素同埋員工嘅服務都非常好👍🏻仲要喺戲院隔離添，睇戲之前或者之後都可以過嚟用膳🎉Appetiser 焦糖北海道帆立貝.三文魚籽.青芥末枝豆蓉頭盤小食已經不得了，用酥炸嘅雲吞皮，包住青芥末枝豆蓉，輕微嘅芥末味又唔會太辣太攻鼻，熱辣辣鮮味十足嘅帶子加三文魚籽。食完頭盤小食梗係要飲返碗湯Soup 🍜 薑汁西洋菜濃湯配香脆煙肉一啖香脆爽口嘅多士，一淡香脆煙肉在一口非常香濃嘅西洋菜濃湯。Main煎封真鯛.醬油虎蝦.野菌松露意大利飯餅呢個主菜誠意度十足，鯛魚完全沒有魚腥海腥嘅味道，肉質口緊幼嫩鮮香，醬油虎蝦肉質爽口彈牙非常有口感，呢個野菌松露意大利飯非常之有心思，因為佢表面係煎封過，令到你咬落去嘅時候出面係非常之彈牙裏面呢就軟琳，非常驚喜。Dessert 🍮 薰衣草奶凍.士多啤梨凍湯黎到最後重頭炮，甜品首先係飲咗個士多啤梨凍湯先，係用士多啤梨同冰打造而成嘅士多啤梨沙冰，清咗喉嚨然後再食薰衣草奶凍