響 - Hibiki 日本燒肉 (Closed)

佐敦出名多放題韓燒 今次介紹番一間質素比較好嘅韓燒鋪頭-響Hibiki 地點鄰近地鐵站 樓上鋪有lift搭上到去已經好多人等緊位 我哋book咗位就唔使等 坐低就有侍應姐姐上前菜送贈每人半隻龍蝦 蝦本身係熟可凍可燒熱食 主打任食和牛有好幾款 而個人推介米澤三元豚西冷最有質素 另外骨付雞肉腸同燒雞翼都係不二之選 除咗燒物 刺身都好新鮮 油甘魚最為突出 岩岩食到腩位好鮮 侍應姐姐服務態度又細心 仲有煱物菜做消化 如果冇渣車就可以試埋呢度嘅梅酒同幾隻日本酒 所有飲品都係任飲最後食埋個Movenpick朱古力雪糕就perfect啦 埋單都係人頭300零蚊 好嘢唔怕分享嘅