牛舞日本燒肉‧涮涮鍋放題 (1亞太中心) (Closed)

前幾日去開觀塘，朋友想食燒肉，而我就想打邊爐，咁啱喺亞太中心經過見到有間牛舞嘅日本放題餐廳，既有燒肉又有打邊爐，於是就同朋友試吓🤤想食邊爐嘅我叫咗秘製麻辣湯底，呢個湯底真係正，夠辣又夠香，唔錯😍特別強調放金菇牛肉卷落去係超正，牛肉新鮮，金菇吸晒啲湯底，越食越想食😋朋友揀咗日本薩摩和牛拼盤，呢個貴價牛真係物超所值，因為有唔同牛嘅部位，肉質有分別，但所有牛嘅油花紋理好靚，分布均勻，牛肉味濃郁，朋友都不斷加單😜另外，因為想食雞 ，所以就分別叫咗雞腿肉、燒肉汁雞中翼同韓式辣醬雞中翼，全部都好好食，無雪味，特別一提佢地個燒肉汁同韓式辣醬超好食，必試😆 仲有order咗豬大腸、牛腹肉、牛肋肉，全部都勁新鮮，大小剛好，好易燒熟😙😙😙另外，叫咗厚切豚腩肉，包生菜一流👍🏻小食就叫左牛油清酒煮蜆，啲蜆肥大肉厚，鮮甜味美，食落去完全無沙，配合牛油清酒，味道豐富，令人回味無窮🤩