掌壽司 (Closed)

觀塘工業大廈裏面有好多有質素的餐廳，其中一間位於駱駝漆大廈（掌壽司）這裏的食物質素及服務都不錯，價錢亦都好合理，入到餐廳大約有12至14張枱全部都爆滿，好彩早一兩日已經訂咗所以有位👍我們二人就點了二人套餐，有沙律、刺身、壽司、燒物、壽喜燒及甜品等！時令沙律菜有蕃茄仔、炸蓮藕片和蟹籽，配菜樣樣都好新鮮，口感豐富，加入柚子汁味道更加清新！刺身有鯛魚、油甘、拖羅、海膽、赤蝦、螢光鱿魚，鯛魚肉質緊實彈牙，甘爽鮮甜。拖羅油脂豐富，入口即溶。海膽味道香濃鮮甜。赤蝦有手掌般大隻，爽口蝦球仲有蟹膏。壽司盛有帆立貝、池魚、碎蔥吞拿魚，帆立貝好厚肉好清甜，池魚油香味濃郁，肉質香軟。吞拿魚腩整成魚蓉，口感香滑！鹽燒魚鮫-火候掌控得非常之好，魚皮燒得香脆金黃，魚肉保持到鮮嫩！壽喜燒鍋物壽喜燒嘅汁調味適中，有澳洲產M9 和牛100g、北海道產豚肉 100g，和牛煮熟後再浸係蛋液入面點住食，口感好嫩滑，豚肉肥瘦適中，肉味濃郁，雜菜吸入壽喜燒嘅精華，超入味！最後食埋個豆腐雪糕，又香又滑！