黑木亭居酒屋 (金馬倫道)

呢間居酒屋位於尖沙咀金馬倫道，要行樓梯上，門口侍應很好帶我哋上樓上安排位置，（其實我哋喺度諗每次帶一班客上去都要行上行落佢都真係好辛苦，值得讚賞），我哋四個人食咗呢個A5和牛鍋配和歌山赤糖蕃茄豚骨湯，啲和牛簡直係入口即溶冇牙齒都食得，價錢仲要係特價$398 ，抵食。卷類我哋嗌咗兩份，一個係好特別嘅鰻魚牛蒡炸蝦卷，另一個係炸蔥吞拿魚蓉鮟鱇魚乾卷，夠晒特別夠晒好食。再叫廚師發板壽司，呢個就冇咩特別意見，再嗌咗啲串燒等等，整體嚟講晚市惠顧可享八八折優惠真係食得過。