Golem Craft Beer (Closed)

第一次去沙田石門，食肆集中地鐵站兩個商場。今晚有波睇，行過見Golem Craft Cafe有直播英超，就響呢度晚餐。入座時間尚早，我地係第一枱客人，之後陸陸續續有好多客人，都係入黎踢波。店員們都好有禮貌。餐廳主打食西餐，主菜主要係意粉/Risotto/burger，另外有小食選擇，呢度亦有手工啤酒，但今次未帶機會試。是日晚餐：南瓜帶子意大利飯黑松露和肉漢堡唐揚魷魚圈博士茶最欣賞意大利飯，南瓜打到好綿，飯煮到粒粒有咬口，飯入面仲加左生洋蔥粒，更添胃口。Burger有塊厚厚的牛扒, 蕃茄&生菜，塊好juicy，生菜淋上少少酸醬汁，開胃又好味。魷魚圈分量多，又炸夠乾身，幾乎沒炸粉。博士茶第一次飲，係非洲品種，味道幾特別。