等 (Closed)

係太子附近行街，差不多到lunch time ~見到呢間純白色好文青嘅Cafe 💕本身諗住Cafe淨係環境靚，點知食物質素都唔錯‼️🥰白酒忌廉青口青口搭配蒜蓉麵包～可以當前菜😆 白酒帶出青口嘅鮮甜味✨ 忌廉帶來奶香，同青口及蒜蓉包都好夾😆好開胃💕美國安格斯西冷配薯菜一拎開塊牛扒就發現原來下面收埋好多配料🤣有青椒、紅椒、紅蘿蔔及蘑菇等等👍🏻 牛排叫咗五成熟😆牛排好juicy，一切開就有汁湧出嚟👍🏻 牛肉嘅質素都唔錯💕帆立貝海鮮蕃茄意粉海鮮有蝦、魷魚、帆立貝及青口等，材料都幾豐富💕蕃茄意粉酸酸甜，再有微辣嘅香料做點綴，食落真係好惹味👍🏻‼️魷魚及蝦好彈牙鮮甜，帆立貝及青口都好新鮮～連麵一齊食～正‼️雪糕心太軟心太軟係即叫即焗～所以上嚟嘅時候仲係外脆嘅狀態😆 一啖心太軟一啖雪糕冰火交融🥰呢款特別嘅係加咗啲脆脆～鍾意多重口感嘅，可以加脆脆食🥰飲品就有Passion Fruit Espresso Soda，飲落去好清爽✨飲落去會先有碳酸，再慢慢回出咖啡☕️👍🏻Sweet potato Latte ，意外地清爽清甜💕又靚好好飲👍🏻‼️