佐賀山田 · 涮涮鍋 (Closed)

耐唔耐就好想食打邊爐，今日放工咁啱要去AEON買嘢，所以就去咗康怡廣場嘅「佐賀山田」食牛牛放題✌🏻我哋揀咗「美牛三重奏」放題，湯底一共有9款選擇，我哋揀咗玫瑰花膠雞白湯同櫻花蝦沙嗲濃湯，雞白湯入邊有幾舊花膠，口感Q彈煙靭，充滿骨膠原，全部比我食晒😆肉類同小食用手機掃QR code點餐，丸類同蔬菜就可以自己出去拎。丸類嘅種類有好多，有黑椒牛丸、豬肉丸、芝士魚蛋、貢丸、麻辣牛丸、蟹籽包心丸、墨魚丸、墨汁墨魚丸同芝士腸，推介黑椒牛丸，濃濃嘅黑椒味一啖咬落去爆汁👍🏻蔬菜方面，有苦瓜、豆卜、木耳、蕃茄、翠玉瓜、粟米、薯仔、芋絲、椰菜花等等，食咁多肉一定要食返啲蔬菜清清個腸胃😆我地點咗美國SRF和牛、極品美國牛小排、美國CAB牛坑爪，三款牛肉都各具特色美國SRF和牛油脂分布均勻，入口肉味香濃，肉質軟滑稔身，推介👍🏻極品美國牛小排肉質結實而有咬口，油脂較少，越係咀嚼越能帶出肉味美國CAB牛坑爪牛坑爪即係牛肋條，肉質稔滑肉爽，油份適中值得一讚係所有追加嘅牛肉都冇漏單嘅情況，嗌幾多就上幾多💯小食方面試咗枝豆、章魚燒、炸帶子、明太子唐掦炸雞，推介明太子唐掦炸雞，剛炸起熱辣辣，雞肉依然保持juicy嫩滑，配