Video
Read full review
2022-09-03
825 views
想食日本料理，去咗元朗大阪，鋪頭唔大，繁忙時間通常要等一等位，今日好好彩6:45左右去到唔需要等位。兩個人叫咗一個刺身定食（$118）同一個牛肉鍋定食（$92）。刺身定食有3片三文魚 + 帶子2片 + 八爪魚2片 + 油甘魚2片 + 甜蝦2隻 + 黃金魷魚，個人喜好不太鍾意油甘魚，所以問問店員可唔可以將油甘魚轉其他款式嘅刺身，店員好好有問我想轉邊款，最後轉咗帶子（4片），如果刺身定食，未必每款刺身都啱食，可以嘗試問下店員可否轉其他。每個定食都有前菜、麵鼓湯同茶碗蒸，茶碗蒸嘅蛋好嫩滑，熱辣辣，入面有冬菇同小貝柱，唔會太鹹，味道剛剛好。綠茶係綠茶粉，唔係茶包，需要自己沖。前菜係粟米蟹籽蟹柳沙律同中華沙律牛肉鍋配有飯素嘅白飯，比預期中大鍋，鍋面鋪滿牛肉，份量好多，牛肉面上有隻生蛋，可以拌牛肉一齊食，口感好滑口。牛肉味濃，令到湯每一啖都有濃濃牛肉味，鍋底有娃娃菜、紅蘿蔔絲同金菇，蔬菜吸收晒牛肉湯汁，好好味。另一款嘅刺身定食配有蔥花烏冬，湯底有好香麻油味，烏冬係幼條，好幼滑。刺身三文魚好厚身，帶子同甜蝦好鮮甜，每一款都好新鮮，令人食得好滿足。大阪係免收加一，每個餐都份量十足，而且好有質素，所以性
每個定食都有前菜、麵鼓湯同茶碗蒸，茶碗蒸嘅蛋好嫩滑，熱辣辣，入面有冬菇同小貝柱，唔會太鹹，味道剛剛好。綠茶係綠茶粉，唔係茶包，需要自己沖。
前菜 麵鼓湯 茶碗蒸
15 views
0 likes
0 comments
前菜係粟米蟹籽蟹柳沙律同中華沙律
牛肉鍋配有飯素嘅白飯，比預期中大鍋，鍋面鋪滿牛肉，份量好多，牛肉面上有隻生蛋，可以拌牛肉一齊食，口感好滑口。牛肉味濃，令到湯每一啖都有濃濃牛肉味，鍋底有娃娃菜、紅蘿蔔絲同金菇，蔬菜吸收晒牛肉湯汁，好好味。
牛肉鍋定食
29 views
1 likes
0 comments
另一款嘅刺身定食配有蔥花烏冬，湯底有好香麻油味，烏冬係幼條，好幼滑。
刺身定食：烏冬
43 views
0 likes
0 comments
刺身三文魚好厚身，帶子同甜蝦好鮮甜，每一款都好新鮮，令人食得好滿足。
刺身定食
32 views
0 likes
0 comments
大阪係免收加一，每個餐都份量十足，而且好有質素，所以性價比好高～ 值得食完再食嘅鋪頭 不過鋪頭入面唔算大同寬敞，如果一大班朋友黎食，就要分枱坐。
Post
