濠客蒸氣海鮮 (Closed)

朋友邀請我入去元朗食蒸氣海鮮火鍋，話海鮮夠新鮮，又唔算貴，所以今日收工特登入左去。呢到又幾個唔同set，由298/位起跳，價錢都可接受。座位寬闊，都坐得幾舒服。入座後，店員會幫我地開始蒸碗筷消毒，感覺幾安全同放心。我地既黃金套餐已經超豐富，仲有個粥底，望到都覺得正！一人有半邊龍蝦，一隻奄仔蟹，仲有其他貝類，勁吸引。龍蝦都幾大隻，肉彈牙，好新鮮同鮮甜，啖啖肉！奄仔蟹我地兩隻一齊share食，其中一隻勁多蟹膏，勁香勁好食！另一隻就比較水，肉質比較滑，各有各好食！帶子，蝦，貴妃蚌同新鮮青口正常發揮～鮑魚大大隻，一啲都唔慳皮，清蒸就最食得出佢既鮮甜，而且又係十分新鮮彈牙！跟餐仲有一份雜菜，我地都真係第一次食蒸既菜，南瓜咁樣食原來都好甜同好淋～最後就係一路係個底熬緊既粥底，有面本身有啲瑤柱，南瓜，店員仲拎左啲莞茜，菜甫同蔥比我地加落粥到食。呢種粥比較類似潮洲粥，唔係完全綿滑，而係食到粒粒好軟既飯粒既粥，簡單得黎帶有海鮮既鮮味同南瓜既甜味！