Video
Read full review
2021-10-12
117 views
高質西班牙餐廳今日放工去左澳海城行下，可能太耐冇去，都冇留意佢原來有第三期，行過去都幾多野食，好似一條食街咁，我地揀左呢間西班牙餐廳，佢有室內同室外，室外都幾舒服，仲可以帶埋寵物一齊去添，室內裝修都幾有心思，有好多酒既擺設，好大好闊落。店員都好細心，見我仲等緊我朋友，就叫我入去坐住先，仲問我使唔使飲杯水先。我地叫左個西班牙奄列，黑松露蒜蓉包，松露野菌忌廉闊條麵，另外再叫左三個甜品🍮。西班牙奄列- 奄列入面有薯仔🥔洋蔥🧅，再煎香佢，唔錯。黑松露蒜蓉包 - 除左有黑松露之外，仲有蒜蓉🧄，洋蔥🧅同香草🌿，香口惹味。松露野菌忌廉闊條麵 - 呢個好好味，夠creamy ，超多菇菌，好足料。西班牙吉拿棒 - 呢個可以叫做西班牙油炸鬼，即叫即整，洒上肉桂粉，再點朱古力醬袋，旁邊有士多啤梨 🍓同藍莓🫐，酸酸地中和返油炸感覺。西班牙燉蛋 - 個焦糖燉蛋都幾大個，上面既焦糖會普通既厚啲，好香脆，燉蛋做得夠滑，抵食！吉士拿破崙 - 個酥皮超級鬆脆。
今日放工去左澳海城行下，可能太耐冇去，都冇留意佢原來有第三期，行過去都幾多野食，好似一條食街咁，我地揀左呢間西班牙餐廳，佢有室內同室外，室外都幾舒服，仲可以帶埋寵物一齊去添，室內裝修都幾有心思，有好多酒既擺設，好大好闊落。
店員都好細心，見我仲等緊我朋友，就叫我入去坐住先，仲問我使唔使飲杯水先。
我地叫左個西班牙奄列，黑松露蒜蓉包，松露野菌忌廉闊條麵，另外再叫左三個甜品🍮。
西班牙奄列- 奄列入面有薯仔🥔洋蔥🧅，再煎香佢，唔錯。
黑松露蒜蓉包 - 除左有黑松露之外，仲有蒜蓉🧄，洋蔥🧅同香草🌿，香口惹味。
松露野菌忌廉闊條麵 - 呢個好好味，夠creamy ，超多菇菌，好足料。
西班牙吉拿棒 - 呢個可以叫做西班牙油炸鬼，即叫即整，洒上肉桂粉，再點朱古力醬袋，旁邊有士多啤梨 🍓同藍莓🫐，酸酸地中和返油炸感覺。
西班牙燉蛋 - 個焦糖燉蛋都幾大個，上面既焦糖會普通既厚啲，好香脆，燉蛋做得夠滑，抵食！吉士拿破崙 - 個酥皮超級鬆脆。
Post
