Villa Villa

Open Now

Now Closed

阿女介紹我嚟食，帶埋婆婆，特登搭的士嚟食，我係度諗值唔值呀？一入到餐廳，細細間，唔係好多位。 老闆應該好鍾意足球球星， 所以牆上放咗好多關於足球嘅嘢。阿女點咗~黃金薯條~卡邦尼意粉~帶子黑松露意大利飯~夏威夷pizza。佢話黃金薯條一定要食，話必食之選喎。每人一個黑松露忌廉湯加一片自家製蒜蓉包。包好好食。湯都好好味。黃金薯條，出面包住鹹蛋黃。好夠味， 薯條脆卜卜，必吃之選。卡邦尼意粉，意粉軟硬適中， 汁醬好好味。黑松露意大利飯， 今次做得濕咗少少， 如果在乾身啲會更加好。 味道唔錯。帶子好大隻。夏威夷pizza比較失望， pizza底同醬都麻麻地。支持小店， 服務員態度好好，會介紹餐廳食品，慢慢講解。希望食物同服務可以keep住個水準。