Y Show Tasty (Closed)

同朋友行尖沙咀，想食西餐廳，見到呢間嘢食好特別，結果意想不到好食😋香烤招牌乳豬 $328平時好少可會食乳豬，偶然間就發現呢到有！佢哋會原隻上，份量大，個乳豬皮係薄脆，唔係中式嗰種硬，仲有菠蘿係側邊，中和返乳豬嘅肥膩感，完全滿足到我對食乳豬嘅慾望😍香煎嫩滑比目魚配檸檬刁草忌廉汁呢個比目魚聞落重魚味，齋睇都覺好鮮味。食落條魚真係滑，油香十足，再加上個汁，十分鮮美。虎尾蝦蟹肉釀椎茸菇極力推薦鍾意食蟹肉同蝦嘅人來食 ，佢哋焗得好香，個菇🍄嘅椎茸味道好香，個底仲有酸甜嘅茄醬伴碟。