招點薈 (Closed)

今日行經佐敦，又想食西餐，喺網上搵到有間唔錯嘅西餐廳，所以去試吓，離佐敦地鐵站唔係好遠，行幾分鐘就到。門口有open area可以坐喺度望街景，我地就選擇咗入面喺位置。我地叫咗餐湯，沙律同主菜，首先湯係叫咗椰菜花忌廉湯，個湯好creamy,椰菜花攪碎晒再煮成忌廉湯，好滑完全有渣，好濃嘅椰菜花味，加埋個脆多士一齊食，好好食Parma ham沙律，呢個沙律係用黑醋做汁，好開胃酸酸地配埋新鮮嘅沙律菜，好fresh,夾埋Parma ham一齊食，好正。牛肝菌意大利飯，d飯勁正，個忌廉汁完全滲入個飯入面，好入味，個飯質地軟硬適中，唔會太硬，仲有好多牛肝菌片喺飯入面，非常香。忌廉汁香煎三文魚扒，三文魚扒煎到個皮好香，好脆，完全冇overcook啱啱熟,d魚肉仲好juice好滑，配埋個忌廉醬汁，個汁酸酸地，啱啱中和三文魚嘅魚油，所以一d都唔覺得油膩，d配菜都好正，用牛油同少少黑椒煎過，好惹味。