Video
Read full review
2021-09-26
98 views
熱愛打邊爐嘅我, 放 lunch 時都會好想打邊爐架~成日行商場嘅我 發現新開左劉一手, 仲有 Lunch Set 邊爐, 啱曬我啊!所以 就梗係要同佢黎食啦~ 一坐底, 友善嘅侍應 就拎配料架黎 比我地按自己口味配油碟喇~ 鍾意食辣嘅佢 同 鍾意食清淡嘅我, 平時出街食嘢真係好難取得平衡, 好開心 呢度嘅湯底 無論辣 定唔辣都做得出色, 我哋兩個都食得開心滿意, 好好啊!我好推薦個皮蛋芫荽湯底啊!平時響出邊叫呢款湯底, 稀得黎 通常啲芫荽嘅質量都麻麻, 仲會越煮越肉酸, 有湯渣嘅感覺架麻; 喺呢度呢啲芫荽呢, 我會覺得佢哋係食用嘅菜, 我地直頭食曬添, 而且經湯底煮熟嘅食物 都有陣陣芫荽嘅香味 湯底嘅甜味呀~ “招牌一手辣方麻辣紅油湯底” 我哋叫咗小辣, 感覺辣道啱啱好, 夠香 有味道嘅同時 唔會蓋過食物原味, 嘻嘻~ 套餐嘅前菜迷你刺身丼、特色涼菜 配 時令沙律美國牛小排A4鹿兒島和牛三角腩(套餐 +$98 轉配)蔬菜拼盤鹿兒島黑毛豬五花腩五花腩 豬味香濃 冇騷味 唔油膩, 質量好呀~三角腩 牛味香濃 脂肪比例均勻, 食落口感軟滑, 下次都會再叫啊~侍應們待人友善, 食物質素都好,
熱愛打邊爐嘅我, 放 lunch 時都會好想打邊爐架~
成日行商場嘅我 發現新開左劉一手, 仲有 Lunch Set 邊爐, 啱曬我啊!
所以 就梗係要同佢黎食啦~
一坐底, 友善嘅侍應 就拎配料架黎 比我地按自己口味配油碟喇~
鍾意食辣嘅佢 同 鍾意食清淡嘅我, 平時出街食嘢真係好難取得平衡, 好開心 呢度嘅湯底 無論辣 定唔辣都做得出色, 我哋兩個都食得開心滿意, 好好啊!
我好推薦個皮蛋芫荽湯底啊!
平時響出邊叫呢款湯底, 稀得黎 通常啲芫荽嘅質量都麻麻, 仲會越煮越肉酸, 有湯渣嘅感覺架麻; 喺呢度呢啲芫荽呢, 我會覺得佢哋係食用嘅菜, 我地直頭食曬添, 而且經湯底煮熟嘅食物 都有陣陣芫荽嘅香味 湯底嘅甜味呀~
“招牌一手辣方麻辣紅油湯底” 我哋叫咗小辣, 感覺辣道啱啱好, 夠香 有味道嘅同時 唔會蓋過食物原味, 嘻嘻~
套餐嘅前菜
迷你刺身丼、特色涼菜 配 時令沙律
美國牛小排
A4鹿兒島和牛三角腩
(套餐 +$98 轉配)
蔬菜拼盤
鹿兒島黑毛豬五花腩
五花腩 豬味香濃 冇騷味 唔油膩, 質量好呀~
三角腩 牛味香濃 脂肪比例均勻, 食落口感軟滑, 下次都會再叫啊~
侍應們待人友善, 食物質素都好, 我地決定咗揾日再黎食呀~
Post
