蓉玥 (Closed)

第一次食完一間餐廳咁想寫食評早兩日喺 fb 見到有米芝蓮大廚開餐廳，重點係我最愛嘅酸菜魚，立即約朋友去試，打電話時已告知 fully book, 但接電話位小姐同我講佢哋好多都 book 6:30 我地可以試下八點幾過去，咁我當然好乖咁去 wak in 啦，去到同佢地講，佢地就話幫我安排一下，等一陣，果然等咗5-10分就可以坐底，環境幾靚，食物價錢都幾抵食，我地1男4女叫咗勁多野食，小碟好好味，酸菜魚我地叫1-2人份量，加多咗酸菜同寛粉，真心好高質素，我食過嘅酸菜魚頭三甲，自家制酸菜啱我胃，寛粉煙韌好味不粉不爛，基本無剩，但我個人比較想要食中，大辣，不過一班朋友食，當然要小辣怡情啦，蓮藕苗酸酸爽脆，開胃，萵筍絲爽辣不油，大腸有驚喜，香，麻，辣都好平均，麻婆豆腐反而唔太驚喜，偏濃味，唔叫白飯就唔太建議叫，炒蜆新鮮野味，椰菜花同手撕包菜比較遲黎同咸，每碟只食1/3就放棄，輕微漏單，最後無食到口水雞同回鍋肉我地叫咗4個甜品之後，每位都送咗一客冰粉，平日我唔食出買嘅桂花冰粉，但呢個我好鍾意食有提子乾同花生，有咬口，正! 不過另外四個甜品真心失望，全部炸嘅都炸唔透，唔夠乾身，紅糖糍粑油淋淋，流心