Video
Read full review
2024-01-31
3036 views
喜歡食鐵板燒🔥貪佢一次過可以將矜貴新鮮海鮮鮮味，以及和牛嘅肉味一網打盡🥅又可以將師傅功架盡收眼底👀絕對係味覺同視覺享受🥰嚟到銅鑼灣呢間鐵板燒雪舟，係開業十幾年嘅老字號，質素有保證👍🏻餐牌設計揉合不時不食概念，會不時供應當季最當造嘅食材，好似呢日品嚐嘅🦞原隻龍蝦二人前套餐，就夾雜松茸、羊肚菌等冬季時令食材，亦會配合客人喜好去設計菜單，好貼心。呢晚由總廚炮製料理，我同朋友都大飽口福👅👅餐廳仲有VIP房，可以預早book定呀。原隻龍蝦套餐二人前🤍前菜醃漬蓮藕好爽口，酸甜開胃。🥗季節沙律🩶雪舟活南非鮑魚不論烹調前抑或烹調中，兩者鮑魚都使勁地蠕動，足見有幾新鮮生猛🤣🤣口感做得好好，爽彈帶點嚼勁。鮑魚大隻得要用刀叉慢慢食。底下配以海苔汁，微微鹹香正好襯托鮑魚鮮味😋🐟季節海鮮金目鯛多數用作刺身、壽司，師傅話佢哋可能係第一間將金目鯛做成鐵板燒呢。魚肉鮮嫩到不得了😚😚又有啲魚油香。師傅係鐵板上用牛油加檸檬做成濃稠嘅醬汁🍋酸酸甜甜又夠香，同金目鯛好夾。🍍焦糖菠蘿伴鵝肝鵝肝嘅厚度可算係我食過之中數一數二🤩表面煎得焦香，咬落鵝油滴晒出嚟💦中間又甘香軟滑，邪惡😈醬汁除超級咗意大利醋，仲有少見嘅紅酒藍啤梨汁，酸酸
原隻龍蝦套餐二人前
🤍前菜
醃漬蓮藕好爽口，酸甜開胃。
🥗季節沙律
🩶雪舟活南非鮑魚
不論烹調前抑或烹調中，兩者鮑魚都使勁地蠕動，足見有幾新鮮生猛🤣🤣口感做得好好，爽彈帶點嚼勁。鮑魚大隻得要用刀叉慢慢食。底下配以海苔汁，微微鹹香正好襯托鮑魚鮮味😋
🐟季節海鮮
金目鯛多數用作刺身、壽司，師傅話佢哋可能係第一間將金目鯛做成鐵板燒呢。魚肉鮮嫩到不得了😚😚又有啲魚油香。師傅係鐵板上用牛油加檸檬做成濃稠嘅醬汁🍋酸酸甜甜又夠香，同金目鯛好夾。
🍍焦糖菠蘿伴鵝肝
鵝肝嘅厚度可算係我食過之中數一數二🤩表面煎得焦香，咬落鵝油滴晒出嚟💦中間又甘香軟滑，邪惡😈醬汁除超級咗意大利醋，仲有少見嘅紅酒藍啤梨汁，酸酸咪咪中和膩感😛另外配以焦糖菠蘿及士多啤梨，菠蘿表面蓋上一層脆卜卜焦糖，滿足。
🦞原隻澳州活龍蝦
龍蝦亦非常新鮮，肉質好爽彈，啖啖肉👍🏻👍🏻師傅用一整兜嘅海膽炒成醬😍裹上每顆龍蝦肉，加上龍蝦汁，鮮味加倍。另外仲加上basil醬，香草嘅味道令菜式增添fusion感覺。
🥩日本和牛厚燒或和牛薄燒2食
先食以壽喜燒作靈感嘅薄燒，牛肉好嫩滑，壽喜燒汁調味適中，欣賞佢唔會太鹹😋😋沾上滑溜蛋汁好正。厚燒亦出色👏🏻煎得啱啱好，外面食到牛肉嘅實在感之餘，中心位亦食到好似牛舌芯個種爽彈兼juicy嘅口感，就咁食已經好好，配以wasabi或比較特別嘅金山寺味噌，更惹味。
🍲松茸大蜆湯
用特製透明紙綁成袋形，盛載湯汁，再係鐵板上煮滾，增加視覺效果😎湯頭充滿大蜆精華，鮮味頗濃，仲有松茸。
🍚鐵板燒黑松露釜飯
2月先開始供應，之前係用大量大閘蟹粉🦀做成嘅炒飯，而之後就會供應釜飯，鐵板燒嚟講好少見👏🏻師傅話知道食客食得咁飽之後未必想食好油膩嘅炒飯，所以設計出呢個清清地嘅素菜🥰用上冬季當造嘅羊肚菌、松茸、黑松露，好矜貴。打開蓋後先加入三文魚子，再即席刨上黑松露片，視覺效果一流😆飯粒飽滿軟熟，深啡色嘅顏色來自浸泡菇菌嘅水，所以食落充滿菇菌嘅鮮味，味道超級超級正😋😋口感亦相當豐富，有富食療功效嘅羊肚菌及松茸，好少係中式燉湯以外見到羊肚菌蹤影，師傅設計好好🫶🏻側邊亦食到香口飯焦。平時鐵板燒嘅炒飯我都係飽到唔enjoy，呢個我可以瞬間清晒🤪2月開始供應約一個季度，強烈建議大家快啲嚟試吓🕺🏻
🥬季節野菜
🍼時令甜品
質感偏向挺身，奶味好香，做飯後甜品一流☺️
人均消費：$1480
推介指數（10分為滿分）：8.5分
Post
