Video
Read full review
2018-08-21
2123 views
📍此私房菜位於灣仔一座住宅大廈二樓在大閘要先按2B 有人回應後才能內進黃金牛油果$85一層薄薄鹹蛋黃包住軟棉棉牛油果，入口牛油果就如棉花糖般溶在口裡。牛油果切到細細舊好似零食，唔經唔覺食完一舊又一舊。就算放涼咗再食都依然咁好味，極之推介奇趣豆腐 $75即係椒鹽豆腐，外層做到好薄脆，豆腐又好滑稽，但椒鹽味道略淡，入口大部分都只吃到豆腐味，整體不過不失，而且份量都算多有12件。片皮鴨春卷 $75好新穎嘅一道菜式，將餅皮炸成春卷，餡料保留片皮鴨風味。食落同普通春卷無咩大分別，貪得意試過就可以。海哲頭 $180一開始見到其他餸菜先係7-80蚊，而呢個海哲頭要成180大洋就好奇有咩來頭。醃制海蜇醬汁有點麻辣同時又帶點酸，好適合飯前開胃小食。加上塊塊都咁大塊，用上頂級靚海哲，份量都唔少。食落‘’索索‘’聲，連坐對面唔食辣嘅友人聽到都忍唔住食返塊。特製花膠撈飯 $328晚餐Menu 係搵唔到，要醒目問侍應仲有無供應。花膠是用上花膠種類中的「鴨泡肚」，鴨泡肚亦即係花膠筒，鴨泡肚浸發後特別爽脆又厚身。花膠飯芡汁唔會太濃太咸剛剛好，汁量同飯量一比一 講明撈飯就梗係撈埋一齊食啦，撈勻咗之後啖啖都食到沾上芡汁
在大閘要先按2B 有人回應後才能內進
黃金牛油果$85一層薄薄鹹蛋黃包住軟棉棉牛油果，入口牛油果就如棉花糖般溶在口裡。牛油果切到細細舊好似零食，唔經唔覺食完一舊又一舊。就算放涼咗再食都依然咁好味，極之推介
奇趣豆腐 $75即係椒鹽豆腐，外層做到好薄脆，豆腐又好滑稽，但椒鹽味道略淡，入口大部分都只吃到豆腐味，整體不過不失，而且份量都算多有12件。
片皮鴨春卷 $75好新穎嘅一道菜式，將餅皮炸成春卷，餡料保留片皮鴨風味。食落同普通春卷無咩大分別，貪得意試過就可以。
海哲頭 $180一開始見到其他餸菜先係7-80蚊，而呢個海哲頭要成180大洋就好奇有咩來頭。醃制海蜇醬汁有點麻辣同時又帶點酸，好適合飯前開胃小食。加上塊塊都咁大塊，用上頂級靚海哲，份量都唔少。食落‘’索索‘’聲，連坐對面唔食辣嘅友人聽到都忍唔住食返塊。
特製花膠撈飯 $328晚餐Menu 係搵唔到，要醒目問侍應仲有無供應。花膠是用上花膠種類中的「鴨泡肚」，鴨泡肚亦即係花膠筒，鴨泡肚浸發後特別爽脆又厚身。花膠飯芡汁唔會太濃太咸剛剛好，汁量同飯量一比一 講明撈飯就梗係撈埋一齊食啦，撈勻咗之後啖啖都食到沾上芡汁嘅飯同花膠，一個字，正啊！
野竹笙鯊魚骨花膠湯 $260大大舊竹笙同花膠條，勁足料啊！ 略嫌胡椒味過重，清啲比較好。
美國車厘子&蘋果生果同甜品是餐廳附送，但太滿足關係只要了前者。
📸附上午餐餐牌一張，有機會想試吓番茄焗豬扒飯同叉燒煎雙蛋飯！溫馨提示：晚市時間想食午餐餐牌嘅飯，可以問吓侍應做唔做到，博一博單車變摩托，嘻嘻。
整體價錢合理中規中矩，食物質素高等，回頭率100%
Post
