北海道爐端燒 (Closed)

D2 place就黎得多，估唔到入面都有好野食，上左層，轉得好入有間日式小店居酒屋，今次就入去試一試，裝修日式，環境舒服，而且食物範圍亦好廣，今次乜都食下先！首先例牌一定要食三文魚壽司 $28，最簡單嘅就睇到功架，三文魚真係好靚又肥美，之後凍凍地叫左個鍋食，叫左松葉蟹棒海鮮鍋，豬骨湯底，包烏冬，$188，係足料係抵食嘅，有大大粒扇貝、松葉蟹、蠔等等，個湯底都好鮮，，而燒物部分就叫左汁燒免治雞肉 $32，帶少少軟骨，好好食呀，另外叫左柚子味噌芝士燒蠔蘑菇 $68，個蠔整得好清新，因為個柚子味好帶到入去，味噌嘅調味亦唔錯！之後就食左佢地嘅招牌酥脆炸雞 $68，好熱口好脆，正！最後叫左個玉子燒 $68，非常滑身唔錯！