馬場洞烤肉專門店 (新城市廣場三期) (Closed)

沙田呢間韓燒店開左唔係好耐，每次經過都有好多人等位，今日平日過嚟都滿座，好彩都唔洗點等。野食選擇都好多，我地點左菲力牛扒，黑毛豬肩，護心肉同藥膳養生石鍋飯。菲力牛扒肉質好令！影完相待應幫我地拎入廚房切開同輕煎到2成熟，之後再自己燒到中意既熟度。牛扒肉質好軟好淋，牛味濃，唔洗調味都已經好食。而黑毛豬肩就相對較普通，肉質彈牙，都唔錯。而護心肉亦係十分推薦，呢款肉預先醃好，所以味道好好，食落口感仲有d似牛肉。藥膳養生石鍋飯係幾特別既菜式，飯加入麻油所以好香口，不過石鍋飯就差左d飯焦xdxd飲品方面識左柚子燒酒，有淡淡柚子香好易入口。