韓珍 (帝國中心) (Closed)

而家大家都出返去食飯，唔想喺旺角銅鑼灣呢啲咁迫嘅地方食燒肉，但又想搵啲高質嘅韓國燒肉舖頭，今次就同朋友預約咗這間位於紅磡同尖沙咀中間嘅帝國中心入面嘅餐廳，唔會好多人，但同時食到好高質嘅燒肉。叫咗個二人套餐，入面有牛油果沙律，泡菜豬肉湯，韓式牛肉同埋豬肉，最後仲揀咗兩杯柚子冰喺嘢食未來之前，店員已經擺好好多款嘅前菜，韓式嘅前菜小食不嬲都好多，唔逐樣介紹，但係佢嘅泡菜係好食。牛油果沙律這個是健康的選擇，純粹係為之後嘅燒肉食得太多肉而食的沙律。泡菜豬肉湯幾欣賞呢個泡菜豬肉湯，因為我唔係好食得辣，但係佢嘅泡菜味夠香，同時佢嘅豬肉唔會係好鞋，好飲韓式牛肉同豬肉我比較欣賞佢嘅韓式牛肉，因為脂肪分布非常平均，而且牛肉味很重，啱晒我這個肉食姐。豬肉比較多肥豬膏，但係燒埋都好香嘅，我都貪心地食咗幾舊生菜連埋肥膏一齊食，不過就唔敢食咁多😂😂😂😂醬油蟹本身冇諗住叫醬油蟹，但係食食吓又覺得唔係幾滿足，而且醬油蟹係地道嘅韓式舖頭先有得食。雖然隻蟹唔係好大隻，但係蟹肉撈埋佢嘅飯，仲有蟹膏別有一番風味。柚子冰甜甜地，幾好飲