Video
Read full review
2019-09-22
37 views
今日同我朋友黎左呢間樓上火鍋店度打邊爐，環境乾淨，有大概8張枱同2間房，4人位1個爐，所以我地就算2個人都可以坐度4人位，空間鬆動，至於卡位就應該係俾4-6人既，所以三兩知已既聚會會較為適合，至於多人聚會就唔建議啦！因為我個朋友喜愛辣野，所以我地就叫左個雙拼湯底：姬松茸冬瓜湯、血池麻辣（$136）冬瓜湯清，但姬松茸比想像中韌，而冬瓜下火，感覺可以盡食都唔驚上火，至於血池麻辣湯底，麻既感覺比辣重，食完之後，成條舌頭都麻痺晒咁，反而唔覺得好辣！（難怪個服務員一放底左個湯底就各俾左一杯冰水，唔知關唔關事，但真係好需要😂）至於配料方面，肥牛係一定要叫既！我地就叫左特尚手切牛（$180）牛肉偏瘦，如果喜愛好肥，油花味濃既朋友就唔係好適合，但因為我較喜愛瘦d既牛肉，所以就覺得非常好食🤤因爲牛肉比較厚，所以唔可以煮2下就熟，正正因為佢唔算薄，而且又唔係特別肥 ，所以口感煙韌！最可惜既係份量太細，總是覺得意猶未盡😭！二人海鮮尚盛（$298），裡面有蟶子、蝦、魚、蠔、大花甲，鮮味濃，而且都冇咩腥味，當中最推薦就係蟶子王同埋大花甲，一d沙都冇，而且又好甜！我地仲叫左木耳鮮蝦雲吞（$78）一共8粒，粒粒都好
因為我個朋友喜愛辣野，所以我地就叫左個雙拼湯底：姬松茸冬瓜湯、血池麻辣（$136）
冬瓜湯清，但姬松茸比想像中韌，而冬瓜下火，感覺可以盡食都唔驚上火，至於血池麻辣湯底，麻既感覺比辣重，食完之後，成條舌頭都麻痺晒咁，反而唔覺得好辣！（難怪個服務員一放底左個湯底就各俾左一杯冰水，唔知關唔關事，但真係好需要😂）
至於配料方面，肥牛係一定要叫既！我地就叫左特尚手切牛（$180）牛肉偏瘦，如果喜愛好肥，油花味濃既朋友就唔係好適合，但因為我較喜愛瘦d既牛肉，所以就覺得非常好食🤤因爲牛肉比較厚，所以唔可以煮2下就熟，正正因為佢唔算薄，而且又唔係特別肥 ，所以口感煙韌！最可惜既係份量太細，總是覺得意猶未盡😭！
二人海鮮尚盛（$298），裡面有蟶子、蝦、魚、蠔、大花甲，鮮味濃，而且都冇咩腥味，當中最推薦就係蟶子王同埋大花甲，一d沙都冇，而且又好甜！
我地仲叫左木耳鮮蝦雲吞（$78）一共8粒，粒粒都好飽滿好足料，雲吞加左木耳，口感爽脆，好足料，
每一粒雲吞入面都有一隻蝦，可惜蝦味唔濃，反而有少少雪藏既味道，比起剛剛海鮮拼盤既蝦差得太遠，有點失望
鮮炸脆響鈴（$48）同埋百花釀油條（$58），服務員同我地講百花釀油條可以選擇就咁食或者煮一陣再食，因為成件都係油炸過，所以就咁食口感就會比較脆，蝦味會重少少，而煮過既就會比較軟，冇咁硬，同埋油條味道會重返少少，所以我個人係比較喜愛煮過既！至於響鈴方面，呢邊既響鈴比起外面買個d大1.5倍左右，但煮完之後好似冇咁油，好食！
打邊爐又點可以唔叫個菜呢我地就叫左羽衣甘藍（$38）平時生食就食得多，估唔到佢就算煮左好耐都同未煮一樣咁爽口，咁脆，完全唔會變到腍啤啤，但因為煮左之後反而有種苦味出左黎，有少少似食黎爽口既芥蘭咁，我個人就幾鍾意，而且覺得可接受，但我朋友就麻麻地啦，所以如果唔鍾意苦既人就唔係咁岩啦！
最後，有樣野真係要讚，我地食食下竟然有服務員過黎幫我地撈起湯面頭既油，所以一路食都唔會覺得話太油！
Post
