進材食品

Open Now

Now Closed

今次去買返d食材返屋企玩煮飯仔，去到店鋪有張牛既解構圖。環境裝修以工業風格，除左有肉類之外，仲有魚子醬罐頭同酒類。好多選擇，真係樣樣都想食，食材又大又吸引。最後揀左5款。甲羅燒($88/pack)，共3隻蟹膏蓋，我加入左鵪鶉蛋攪拌再去焗，好濃郁蟹膏味，超香，簡直係蟹既精華所在。美國肉眼扒10安士($228/2塊)，煮至7成熟，肉質好腍，牛肉味重，而且好大塊，平均每塊$114好抵食。熊本霜降一口牛($78)，配左蕃茄意粉一齊炒，牛粒唔會過韌，岩岩好，一粒一口唔使切真係好方便。牛勒條($58)，份量超多，薯仔紅羅白炆牛勒條，一樣炆得好腍，因為帶有少少筋位，食落口感有d似牛腩。龍蝦尾($88)，生既時候望落肉質已好通透，將佢開邊加芝士拎去焗，賣相好靚，肉質爽口彈牙，而且厚肉。