賀喜 (美孚新邨) (Closed)

係美孚新村後面,鋪面燈光舒服,店員安排左我地坐房,首先有高質既小食先,係枝豆,燒魷魚同埋豆腐,燒魷魚幾特別,有d似餅乾,但係又有魷魚既香味。刺身拼盤有厚切三文魚,甜蝦,油甘魚,象拔蚌。象拔蚌爽脆清甜,油甘魚同埋三文魚啖啖肉,而且表面有少少水份係度,証明好新鮮。紅衫魚刺身,冇錯係紅衫魚,口質有少少似油甘魚,味道似淡味版既三文魚,值得一試吞拿魚腩都有2種食法。仲有海膽,蔥碎三文魚,呢個有d濃味,牛油果天婦羅卷好大份,建議4個人先好叫,如果2個人叫既話應該都飽左4成。食得太多刺身既話可以叫個串燒中和下,冬菇同埋雞冀都唔錯架鐘意食魚頭既話,呢個一定唔好錯過啦,味道一流,肉又多,而且醬油都好入味天婦羅就一定唔少得啦。