餃里 (悅湖商場) (Under Renovation)

見到屯門新開左間外賣餃子店，個名好盞鬼吸睛🤣 一於買一打手工生餃子🥟 返屋企試下餃唔餃得掂❗️佢哋有九種口味，我就揀咗三拼～ 韭菜同椰菜一般湯煮或者打邊爐都好食，芝士就建議煎，不過我懶，最後隔水蒸😂 見到每隻都包到脹卜卜，流曬口水🤤 1️⃣ 韭菜鮮肉餃傳統嘅口味好滋味～ 餃皮薄，餡料好足，睇到曬入面嘅餡🤯 韭菜辛香味濃郁，整緊嘅時候香味已經飄晒出嚟🤤 咬落啖啖肉，睇返切面圖真係足料👍🏻2️⃣ 椰菜鮮肉餃椰菜鮮甜爽脆，同香濃嘅韭菜相映成趣，加埋新鮮豬肉，口感同味道都幾正❗️呢個餃皮有勁度唔軟爛，幾有咬口😋3️⃣ 芝士粟米鮮肉餃芝士嘅鹹香味好出，蒸熱後溶溶地，撈埋爽口嘅粟米粒，同埋鮮嫩嘅豬肉餡，層次豐富💯 向來嘴刁嘅阿爸都大讚好食😋另外仲有紫菜鮮肉餃、泡菜鮮肉餃、芹菜鮮肉餃、香茜鮮肉餃、咖哩鮮肉餃、清新素餃，選擇好多🤩 店主同夥計都好nice☺️ 老闆話開呢間店係希望可以做好地道嘢食，俾多啲人食到好味嘅餃😋 屯門人真係有口福😙