有蒸氣 海鮮石鍋專門店 (Closed)

想舒舒服服食個蒸氣海鮮，朋友推薦黎寶軒酒店的”有蒸氣”座於天文壹道差唔多最高處，近諾士佛壹。可選擇幾款套餐，又或者逐款嗌，我地選擇左翡翠海中寶套餐，因為夏天炎炎，想揀個冬瓜盅消暑一下。全程都有職員幫我地放海鮮、計時，好好服務，而且動作又快，笑容又好。黑松露蒸蛋蛋又juicy，再加陣陣黑松露味，好滑好香。沙包蜆&海中蝦蜆肉滿飽，爽口彈牙，一咬下去有豐富既海水鮮味。蝦隻隻晶瑩剔透，很新鮮，很甜，蝦頭好多膏!!花蟹職員很貼心，遞上鉗給我們，每人有半隻，啖啖肉，蟹肉鮮甜多汁。大連鮑魚好精緻，預先已界了花紋，為了更易熟及易咬開，鮑魚大大隻，並且新鮮彈牙，鮮味十足!!食落幸福感upupup!!日本元貝加上蒜蓉及粉絲一起蒸，元貝大大粒，啖啖肉連裙邊都好入味爽脆。食哂所有蒸的食物，就開始可以食冬瓜盅及打邊爐了，美國桶蠔新鮮無腥味，就算煮熟後，仍然大大隻，西班牙黑毛豬腩片有驚喜，估唔到豬腩片如此爽口，完全沒有豬燥味!手打四寶丸有蝦丸、墨魚丸、豬肉丸及鯪魚丸，每粒都大大粒，啖啖肉，Juicy!!最後將飲埋吸盡所有精神既冬瓜湯，很滋味!!