麵麵 (Closed)

上次食魚麵已經唔記得係幾時喇，香港有得食魚麵既地方都買少見少 今次知道旺角有間專食魚麵既餐廳就梗係要黎試下啦！入到黎坐底店員就人俾杯魚湯黎飲啖，魚湯好清，一飲就知冇落咪精飲黎好舒服☺️晚市套餐都幾多款式，我地點左整上蟹匠拌魚烏冬同埋燒鰻魚定食。拌烏冬賣相超靚，除左蟹膏之外仲有滿滿既蟹籽同蟹肉，基本上每一啖都會食到蟹肉🤤依度既魚烏冬真係一流，每一條粗幼都好平均，而且好彈牙，食落口感一流！必食！燒鰻魚便當都相當豐富，佢個卜卜魚脆小食好特別，新鮮整好非常之香口！佢既花膠豚骨濃魚湯又濃又香，健康得黎又好飲👍🏻套餐仲有野飲送，埋單都係二百蚊左右，都幾抵！絕對可以番黎再食！