春陽茶事 (租庇利街) (Moved) New Location

新年流流同屋企人去上環辦年貨，見到春陽茶事呢間新嘅台式飲品店，大排長龍，我就買咗四杯同屋企人分享。飲品包裝設計非常有心思，好有新年氣氛。台式飲品都係偏甜，所以點左減糖，咁就啱啱好啦。飲品底層有鮮奶布丁同埋仙草，最上層就係鮮奶，整個配搭好夾，入口香滑，整體感覺有點像鮮奶布丁啊，係飲得嘅鮮奶布丁，口感幾有趣。個人最鍾意呢杯薑汁烏龍鮮奶茶，一打開個蓋已經聞到薑汁香味，最啱冬天飲，烏龍茶同鮮奶比例剛好，令香滑嘅鮮奶裏邊滲出濃茶香，不錯不錯。飲過咁多間台式飲品，第一次見到有甘蔗鮮奶，飲落感覺幾特別，真係似甘蔗汁同牛奶嘅混合，甘蔗既天然甜味好突出，凍飲好清新。講真呢杯有啲失望，真係同維他檸檬茶冇咩分別，唯獨係檸檬味比較自然，明顯係用檸檬汁調味，裏面有檸檬果肉，不過下次都係試吓其他款式好啲啦。