好運強記食堂 (Closed)

朋友帶左我黎依到食飯,幾有味道嫁依到都,原來一早已經落哂單,諗都唔洗諗。第一樣餸上枱原來就係依到既招牌菜式之一依到叫冰醉瀨尿蝦。賣相真係吸引住我,見到咁大隻的瀨尿蝦，當然非常驚喜，叫得冰醉瀨尿蝦就當然有酒係裹面，拎上手已經聞到陣陣既酒香，雖然係冷盤,但陣味真係唔講得笑，另外瀨尿蝦既肉質都非常好，好味既酒味，真係唔好好食,之後就係依個雪花炸蝦丸,都算唔錯嫁,蝦丸上枱個陣時夠哂熱辣辣，食落有蝦味唔會太粉,都好好食,又唔會話太油,之後就係依個糯米釀雞全翼,而依個糯米釀雞全翼，佢會將個雞翼拆左一條骨，留番一條骨，之後就將糯米飯釀入雞翼裹面，再炸，糯米飯真係超多,成隻雞翼睇落都好飽滿的，隻隻雞翼睇落都係好大隻， 可能因為雞翼既問題食落無咩雞味,不過食功夫都已經值回票價。