Video
Read full review
2021-12-08
58 views
🇯🇵 Grill Tajimaya等到頸長都未開關✈️好掛住鄉下點好？放工當然俾自己食餐好😋呢間日本餐廳門口標明係食100%日本產黑毛和牛🐂啱晒我哋呢啲好牛者！餐廳設計有啲西式，環境又有啲情調，連杯水都晶透過人🥂今次真係多謝老公💓心心眼😍🥩 A3 日本產黑毛和牛厚切牛柳扒 ($429)：🌟🌟🌟🌟🌟黑毛和牛叫咗5成熟🐂即時order即時燒，牛扒係洋式擺盤🍽清簡得來又有級數，當日進食都有見到啲日本人，勁似大阪啲洋食屋嘅擺盤啊！一上碟我哋就急不及待試咗剛燒好的牛柳扒🥩真係好「淋」、好有牛味😍連個Waitress都好熱情咁同我哋介紹，原來呢個係鹿兒島出產的A3黑毛和牛，因為厚度夠厚，未去到入口即溶狀態，但外面煎到薄脆而肉質內軟，啲肉仲連住少少脂肪，食落口有好香嘅牛味、好綿，配埋黑椒汁、Washbi或芥末醬真係不得了，諗起都回味😋真係好想再試，鐘意食牛嘅大家真係要試一試！（女人真係太易滿足）🍔 特製招牌漢堡扒配香郁和牛燴醬汁 ($189)：🌟🌟🌟🌟呢個和牛漢堡扒連鐵板上，上碟後再由Waiter幫手切十字開錫紙☺️夠晒特別，waitress表示佢哋嘅漢堡扒係即叫即以人手搓製💓厚厚的漢堡扒上面仲有粒燴到
等到頸長都未開關✈️好掛住鄉下點好？放工當然俾自己食餐好😋呢間日本餐廳門口標明係食100%日本產黑毛和牛🐂啱晒我哋呢啲好牛者！餐廳設計有啲西式，環境又有啲情調，連杯水都晶透過人🥂今次真係多謝老公💓心心眼😍
🥩 A3 日本產黑毛和牛厚切牛柳扒 ($429)：🌟🌟🌟🌟🌟
黑毛和牛叫咗5成熟🐂即時order即時燒，牛扒係洋式擺盤🍽清簡得來又有級數，當日進食都有見到啲日本人，勁似大阪啲洋食屋嘅擺盤啊！一上碟我哋就急不及待試咗剛燒好的牛柳扒🥩真係好「淋」、好有牛味😍連個Waitress都好熱情咁同我哋介紹，原來呢個係鹿兒島出產的A3黑毛和牛，因為厚度夠厚，未去到入口即溶狀態，但外面煎到薄脆而肉質內軟，啲肉仲連住少少脂肪，食落口有好香嘅牛味、好綿，配埋黑椒汁、Washbi或芥末醬真係不得了，諗起都回味😋真係好想再試，鐘意食牛嘅大家真係要試一試！（女人真係太易滿足）
🍔 特製招牌漢堡扒配香郁和牛燴醬汁 ($189)：🌟🌟🌟🌟
呢個和牛漢堡扒連鐵板上，上碟後再由Waiter幫手切十字開錫紙☺️夠晒特別，waitress表示佢哋嘅漢堡扒係即叫即以人手搓製💓厚厚的漢堡扒上面仲有粒燴到好入味的牛肋條，加埋啲汁試先，濃濃的牛味衝入個口入面，正啊！個焗薯又界咗十字打開🥔焗到剛剛好，好香甜，唔夠食仲可以加錢揀套餐配飯/麵包同汽水，連杯可樂都係日本的味道，好甜🥤
🐟 吞拿魚牛油果他他 ($129)：🌟🌟🌟🌟🌟
今次真係未食過好野系列😋以為食牛扒嘅地方，對魚生呢樣野無太多期望，點知⋯ Wow～好新鮮、又好好味啊！粒粒厚感嘅吞拿魚肉🐟再加埋啲牛油果🥑味道真係超級夾😋試完個原汁原味，再試加上碟上劃滿黑糖的味道，兩種食法都好正，以呢個吞拿魚牛油果他他作前菜真係無得輸！
🍅 水牛芝士蕃茄($79)：🌟🌟🌟🌟
老公超鐘意食水牛芝士蕃茄，所以前菜一定要試呢間嘅水牛芝士😋上碟後加啲黑椒粒，更加帶出蕃茄嘅鮮味，加上Mozzarella芝士味，酸酸甜甜，好開胃🍅
🍤 TGIF ($169)：🌟🌟🌟🌟🌟
小食叫左個包羅萬有嘅炸物拼盤，有酥脆炸蝦、炸魷魚同炸雞⋯今次真係「Thank God It’s Friday💓」我覺得啲炸物真係好出色，因為食落口唔似平時食開嘅炸粉，應該連麵包糠炸，連個炸魷魚都有兩款炸法😋酥脆得來又可以保持肉汁🍤🦑🍗如果Happy Hour來一定要叫呢個炸物拼盤來配酒🍺
總結：🌟🌟🌟🌟🌟
秉承未食過好野系列😝小Sun十分推薦呢間西洋式的日本餐廳，而且一定要試佢哋出名嘅A3黑毛和牛同他他🥑炸物都好吸引！今次就一定要俾5🌟佢哋，因除咗我哋叫咗嘅野食外，個Menu其實仲有好多選擇，西、日式都好正！啲侍應仲好nice、好熱情咁推介野食，好懷念食完入口會溶嘅和牛🐂又可以一解🇯🇵思鄉之情！下次Happy Friday一定要約朋友仔來試呢間餐廳個Happy Hour🍻🍻🍻
Post
