Video
Read full review
2019-09-21
6265 views
一大班朋友gathering ，buffet絕對是首選，唔使就住就住，每個人都可以挑選自己鍾意食嘅嘢，最緊要係唔限時！可以一邊食慢慢講～我們浩浩蕩蕩到大學站附近一間酒店嘆buffet，今次主題是海膽，夠晒吸引～星期一至五 每位$490，六、日每位$580，恆生、匯豐、中銀信用卡有85折。餐廳環境十分闊落，裝修以白色簡潔為主，大量玻璃吸收自然光線環保又舒服。場內有大量梳化位，每枱空間感十足，不會枱貼枱，私隱度高！值得一提這裏完全不用爭食，食物refill很快！由一開始到尾聲，回本食物如龍蝦、海鮮、刺身、鮑魚、雪糕等等 一直長期有貨，抵讚！坐下後放低隨身物品，立即跟幾位朋友齊齊出發搵食！繞場一周，食物種類蠻多。冷盤海鮮有開邊龍蝦、海蝦、青口、長腳蟹、螺等另外亦有沙律吧、各款芝士、火煺、水果。飲品方面有奶茶、檸茶，自行調配。快快手自製個千島醬沙律就狂食海鮮回本！龍蝦大大隻，肉甜彈牙，大推！青口鮮嫩飽滿，長腳蟹冇雪味亦不會過鹹。此外，推廣期內每人可獲兩隻生蠔，今晚的廚師精選是來自日本的生蠔。海水味較為濃烈，沒有金屬味，肉質較為豐厚軟滑。日式代表有壽司、刺身、拉麵、關東煮、即炸天婦羅、海膽烏冬等
我們浩浩蕩蕩到大學站附近一間酒店嘆buffet，今次主題是海膽，夠晒吸引～星期一至五 每位$490，六、日每位$580，恆生、匯豐、中銀信用卡有85折。
餐廳環境十分闊落，裝修以白色簡潔為主，大量玻璃吸收自然光線環保又舒服。場內有大量梳化位，每枱空間感十足，不會枱貼枱，私隱度高！
值得一提這裏完全不用爭食，食物refill很快！由一開始到尾聲，回本食物如龍蝦、海鮮、刺身、鮑魚、雪糕等等 一直長期有貨，抵讚！
坐下後放低隨身物品，立即跟幾位朋友齊齊出發搵食！
繞場一周，食物種類蠻多。冷盤海鮮有開邊龍蝦、海蝦、青口、長腳蟹、螺等
另外亦有沙律吧、各款芝士、火煺、水果。飲品方面有奶茶、檸茶，自行調配。
快快手自製個千島醬沙律就狂食海鮮回本！龍蝦大大隻，肉甜彈牙，大推！青口鮮嫩飽滿，長腳蟹冇雪味亦不會過鹹。
此外，推廣期內每人可獲兩隻生蠔，今晚的廚師精選是來自日本的生蠔。海水味較為濃烈，沒有金屬味，肉質較為豐厚軟滑。
日式代表有壽司、刺身、拉麵、關東煮、即炸天婦羅、海膽烏冬等。
喜歡西式的亦有即切牛扒、三文魚蟹肉海膽、意粉等等！
三文魚蟹肉海膽十分幼滑，味道香濃。
推介天婦羅～由於是即場炸，回到座位仍然熱辣辣，好食！
拉麵吧亦不容忽視，客人可自選喜歡的配料，廚師即叫即煮！湯底濃厚，辣味慢慢滲出，辣得過癮，嗜辣的朋友絕對不要錯過！
吃到一半突然聽到「噹、噹、噹！」鼓聲，大家都聚集到餐廳中央，原來廚師示範即劏三文魚。
師傅刀工細膩，不消三兩下手勢就將三文魚切好，有得睇又有得食！三文魚肉質肥美，由於是新鮮即切，比平時吃到的更加嫩滑鮮味，較少機會可以吃到。
中式食物除了一般的雞、炒飯外，還有鮑魚、花菇、海參、龍躉等矜貴食材。
來到當然要一壺滋補燉湯，燉湯存放在大蒸爐內，拿出來夠晒熱辣辣！
吃完一輪主菜，終於到甜品時間，女生們另一個位胃係時候出場！好彩有大班朋友可以揀多幾款一齊share
第一眼吸引我的，是雞蛋仔及格仔餅，有專責廚師在旁即製。
之後就是超多口味的movenpick雪糕!一般通常只有4款口味，這裏足足有6-7款，令人眼花撩亂！
白桃mousse蛋糕味道清新，氣味怡人。班蘭蛋糕鬆軟，班蘭味不會過濃。紅豆抹茶蛋糕茶味濃郁，紅豆有點過甜。Fruit tart水果新鮮，撻底鬆脆。
我們還點了幾款要加錢的甜品，大愛73%比利時黑朱古力蛋糕，朱古力味極度香濃，口感濕潤幼滑，正！芒果椰子mousse蛋糕有濃郁的椰子味，芒果味不夠突出。
最後當眾人都舉白旗，幾位大胃王竟然要繼續戰鬥，鬥食雪糕...本人實在佩服得五體頭地！
Post
